إلى كل بصاص ونشوال وانتينة
[frame="1 80"]هذه رسالة من مجموعة رسائل ليا فترة نفكر في كتابتها وحتكون الاولى وفي رسائل لفئات اخرى في مجتمعنا واخترتها تكون الاولى لخطورة الموضوع
والله الامر خطير
انت عارف كم روح ودرت في داهية انت عارف كم واحد حطيت في السجن انت عارف كم روح قتلت انت عارف انه في حساب انت عارف انه ربي مش غافل ويشوف ويسمع وانه ما فيش توبة في حق العباد يعني حتى لوتبت يسامحك ربي في حقه لكن في حق العباد لا، هم اللي يسامحوك وانا اول واحد ما نيش امسامح بكل وشوف كم فيه غيري مش مسامح يعني مصيرك جهنم اتقي الله وحاول تطلب السماح من الناس قبل يجي يوم لا ينفع فيه لا مال ولا بنون انت عارف امتى تموت انت عارف ان الانسان ما يبقى منه غير سيرته والناس يا تشكر يا تلعن و القذاقي مش دايم اعتبر بهذا الشي، فرعون ليبيا لازم يجيه يوم ويموت ولا يصير فيه كيف ما صار في صدام وبعدين وين اتريح من الناس وربي اعلن التوبة وتمنى من ربي يسامحك ويرضي عليك الناس اللي انت اذيتهم بلكي يرضوا عنك ويسامحوا ما تقولش ما كانش فيه قدامي غير هكي لانه كله سلف ودين وممكن يرده لك ربي فيك وإلا في واحد من هلك او عيالك والمال اللي تكسبه بالبصاصة مال حرام تربي بيه في عيالك كيف تبي البنت اللي تربت بمال حرام تطلع شريفة ماحد يمسها في عرضها وإلا الولد يكون صالح ماهي البذرة اصلها فاسدة خاربة من الحرام اتقي الله في نفسك وفي هلك وفي الناس راك يوم بكرة موقوف على الصراط ومحاسب عن اي شي اتديره في نفسك فما بالك بحقوق الناس وتو ينفعك القذافي يوم بكرة { أَفَحَسِبَ الَّذِينَ كَفَرُوا أَن يَتَّخِذُوا عِبَادِي مِن دُونِي أَوْلِيَاء إِنَّا أَعْتَدْنَا جَهَنَّمَ لِلْكَافِرِينَ نُزُلًا } . . { وَيَوْمَ يَحْشُرُهُمْ وَمَا يَعْبُدُونَ مِن دُونِ اللَّهِ فَيَقُولُ أَأَنتُمْ أَضْلَلْتُمْ عِبَادِي هَؤُلَاء أَمْ هُمْ ضَلُّوا السَّبِيلَ . قَالُوا سُبْحَانَكَ مَا كَانَ يَنبَغِي لَنَا أَن نَّتَّخِذَ مِن دُونِكَ مِنْ أَوْلِيَاء وَلَكِن مَّتَّعْتَهُمْ وَآبَاءهُمْ حَتَّى نَسُوا الذِّكْرَ وَكَانُوا قَوْمًا بُورًا . فَقَدْ كَذَّبُوكُم بِمَا تَقُولُونَ فَمَا تَسْتَطِيعُونَ صَرْفًا وَلَا نَصْرًا وَمَن يَظْلِم مِّنكُمْ نُذِقْهُ عَذَابًا كَبِيرًا } . . { مَثَلُ الَّذِينَ اتَّخَذُوا مِن دُونِ اللَّهِ أَوْلِيَاء كَمَثَلِ الْعَنكَبُوتِ اتَّخَذَتْ بَيْتًا وَإِنَّ أَوْهَنَ الْبُيُوتِ لَبَيْتُ الْعَنكَبُوتِ لَوْ كَانُوا يَعْلَمُونَ . إِنَّ اللَّهَ يَعْلَمُ مَا يَدْعُونَ مِن دُونِهِ مِن شَيْءٍ وَهُوَ الْعَزِيزُ الْحَكِيمُ . وَتِلْكَ الْأَمْثَالُ نَضْرِبُهَا لِلنَّاسِ وَمَا يَعْقِلُهَا إِلَّا الْعَالِمُونَ } . . { وَمِنَ النَّاسِ مَن يُجَادِلُ فِي اللَّهِ بِغَيْرِ عِلْمٍ وَيَتَّبِعُ كُلَّ شَيْطَانٍ مَّرِيدٍ . كُتِبَ عَلَيْهِ أَنَّهُ مَن تَوَلَّاهُ فَأَنَّهُ يُضِلُّهُ وَيَهْدِيهِ إِلَى عَذَابِ السَّعِيرِ } . .
وهذه الايات نختم بيها ونخليك تراجع نفسك[/frame]
التعديل الأخير تم بواسطة الجهمي المشرف العام ; 06-10-30 الساعة 01:57 AM
|
05-02-26, 06:12 PM
المواضيع المتشابهه
العرض الشجري